Fransiýada elektrikli awtoulaglara zarýad berýän ýollar gurlar

  • 19.07.2023 16:15
  • 21k+

Ysraýylyň simsiz zarýad bermek boýunça synaglary bilen tanalýan Electreon startapy Fransiýada zarýad berýän ýollary gurmak boýunça bäsleşikde ýeňiji boldy. Şeýle-de bolsa, Jerusalem Post-uň ýazmagyna görä, birinji tapgyrda simsiz zarýad beriş ulgamy bilen enjamlaşdyrylan ýol böleginiň uzynlygy bary-ýogy 2 kilometre barabar bolar. Fransiýadan başga-da, Norwegiýada-da şeýle ýollar peýda bolar.

Electreon ýokary tehnologiýaly ýoluň birinji bölegini simsiz stansiýa bilen bilelikde Parižiň golaýynda gurar. Ýoluň 2 kilometri, esasan, täjirçilik ulaglaryna zarýad bermek üçin niýetlenendir.
Şuny amal etmek bilen, fransuz häkimiýetleri şeýle tehnologiýanyň doly ornaşdyrylmagy ýük awtoulaglaryndan çykýan zyýanly zyňyndylaryň mukdaryny 86% azaldyp biler diýen netijä geldiler. Şeýle-de bolsa, tehnologiýanyň gymmatdygyny göz öňünde tutup, onuň ösüşi ortaça depginde dowam eder. 2030-njy ýyla çenli Fransiýa şeýle ýollaryň 5000 kilometrini gurdurmagy göz öňünde tutýar we 2035-nji ýyla çenli olaryň uzynlygy 9000 kilometre çenli artar.
Norwegiýada tehnologiýany jemgyýetçilik ulaglaryna gönükdirmegi meýilleşdirýärler - ilkinji nobatda, elektrik awtobuslary, ýoluň simsiz zarýadyna daýanyp, has ykjam batareýalar bilen üpjün edip bolar. Doly görnüşde gurlan ýol Tronheým şäheriniň çäginde 2029-njy ýyla çenli peýda bolmaly.


13.09.2025 15:48
3.3k+

Figure 02 gumanoid roboty gap-gaç ýuwmagy öwrendi

Kaliforniýanyň Figure startapy uniwersal Helix AI emeli aň modeli täzeledi, munuň netijesinde Figure 02 gumanoid roboty täze başarnygy - gap-gaç ýuwýan maşyna gap-gaçlary seresaplylyk bilen ýerleşdirmegi öwrendi...

13.09.2025 15:43
4.4k+

Gurluşyk çyzgylaryny göni betona geçirýän robot döredildi

Amerikanyň Dusty Robotics kompaniýasy sanly gurluşyk çyzgylaryny göni beton plitalara geçirýän FieldPrinter robotyny hödürledi. Tehnologiýa bellikleri has çalt we has takyk ýerine ýetirmäge mümkinçilik berýär, bu köp wagty talap edýän el bilen işlemek zerurlygyny aradan aýyrýar...

05.09.2025 16:58
5k+

Hytaýda bedeniň ýylylygyndan elektrik energiýasyny öndürýän rezin döredildi

Pekin uniwersitetiniň barlagçylary adam bedeniniň ýylylygyny elektrik energiýasyna öwürýän rezin materialy işläp taýýarladylar diýip, South China Morning Post habar berýär. Täze tehnologiýa termoelektrik ýörelgelerine esaslanýar: bedeniň (37° C töweregi) we daşky gurşawyň (20–30 ° C) arasyndaky temperatura tapawudy elektrik energiýasyny öndürmäge mümkinçilik berýär...

26.08.2025 21:23
2.3k+

Boston Dynamics kompaniýasy Atlas robotyna çylşyrymly başarnyklary özleşdirmegi öwretdi

Boston Dynamics kompaniýasy Atlas modeliniň mysalynda adam şekilli robotlaryň ösüşiniň täze derejesini hödürledi. Indi robot diňe bir hereket etmäge ukyply bolman, eýsem Toyota Research Institute (TRI) bilen bilelikde döredilen uly özüni alyp baryş modelleriniň (LBMs) dolandyrmagynda dowamly we çylşyrymly başarnyklary ýerine ýetirip bilýär...