Çehiýaly tennisçi Marketa Wondrouşowa şenbe güni Uimbldonyň final duşuşygynda Tunisiň wekili Ons Žaberi ýeňdi. Duşuşyk 6:4 hasabynda ýaryşda bije nomeri bolmadyk Wondrouşowanyň peýdasyna tamamlandy. Žaberiň altylyk bije nomeri bardy. Wondrouşowa Uimbldonyň zenanlaryň ýekelikdäki ýaryşynda bije belgisiz ýeňiji bolan ilkinji zenan türgen boldy. 16-njy iýulda erkekleriň arasynda ýekelikdäki ýaryşyň jemleýji oýny bolar, onda ispaniýaly Karlos Alkaras serbiýaly Nowak Jokowiç bilen oýnar.
Wondrouşowa ilkinji gezek Uimbldon-yň ýeňijisi boldy, bu ýeňiş Uly tuwulganyň ýaryşlarynda çehiýaly tennisçi üçinem ilkinji boldy. Wondrouşowa Uimbldonyň final oýnunda ilkinji gezek we Uly tuwulga ýaryşynyň finalynda ikinji gezek oýnady: 2019-njy ýylda Roland Garrosyň finalynda awstraliýaly Eşli Bartini ýeňdi.
Žaber Uimbldonyň finalynda yzly-yzyna ikinji gezek ýeňildi. 2022-nji ýylda tunisli tennisçi Gazagystanyň wekili Ýelena Rybakinadan ýeňildi.
Wondrouşowa 24 ýaşynda, Zenanlaryň tennis birleşiginiň (WTA) sanawynda 42-nji ýerde durýar. Guramanyň howandarlygyndaky ýaryşlarda iki ýeňiş gazandy.
Žaber 28 ýaşynda, ol WTA-nyň sanawynda altynjy orunda durýar, guramanyň howandarlygynda dört ýaryşda ýeňiji boldy. Şeýle-de, ol Uly tuwulganyň ýaryşlarynda 2022-nji ýylda US Open -iň aýgytly oýnuna ýetdi.
