Roskosmosyň kosmonawtlary Oleg Kononenkonyň we Nikolaý Çubuň Halkara kosmos stansiýasyna (ISS) bir ýyllyk ekspedisiýasy wagtynda dört gezek açyk kosmosa çykmak meýilleşdirilýär. Bu barada Roskosmos-yň kosmonawtlar toparynyň serkerdesi Oleg Kononenko žurnalistlere habar berdi. Muny TASS ýetirýär.
Ol: "Has giň ylmy maksatnama we dört gezek açyk kosmosa çykmak meýilleşdirilýär" diýdi. Şol bir wagtyň özünde, Kononenko kosmos gämisiniň daşynda işlenende haýsy wezipeleriň ýerine ýetiriljekdigini takyk aýtmady.
Roskosmosyň berýän maglumatlaryna görä, “Soýuz MS-24” kosmos gämisi 15-nji sentýabrda stansiýa uçmaly. Onuň bilen Roskosmosyň kosmonawtlary Oleg Kononenkony we Nikolaý Çuby, şeýle hem NASA-nyň astronawty Lorel O'Hara-ny HKS-e eltmek meýilleşdirilýär.
Çub we Kononenko bir ýylyny stansiýada geçirerler we 2024-nji ýylyň sentýabr aýynyň ahyrynda Ýere gaýdyp gelerler. Bir ýyllyk ekspedisiýanyň çäginde, eýýäm karýerasynda 736 günden gowrak wagtlap uçuşda bolan, Türkmenistanyň Gahrymany Kononenko, 1000 günden gowrak wagtyny orbitada geçiren ilkinji adam bolup biler.
