2023-nji ýylyň 5-nji iýunyndan 2-nji iýuly aralygynda dünýäde 885 müňden gowrak adam koronawirus ýokanjy bilen keselledi, 4,9 müňden gowrak adam bu keselden aradan çykdy. Bu kesel zerarly aradan çykmak ýagýaýlarynyň sany ondan öňki 28 gün bilen deňeşdirilende 59%, kesellänleriň sany 48% azaldy diýip, Bütindünýä saglygy goraýyş guramasy penşenbe güni habar berdi.
BSGG-niň maglumat beriş beýanyna laýyklykda, dünýäde dört hepdede 885 müň 478 keselleme ýagdaýy we 4 müň 912 sany aradan çykma ýagdaýy hasaba alyndy. Kesellänleriň aglaba bölegi Koreýa Respublikasynda hasaba alyndy — 383 767. Ondan soňra Awstraliýa (85 167), Braziliýa (70 163), Singapur (32 562) we Russiýa (30 049) ýerleşýär. Aradan çykanlaryň aglabasy Braziliýada hasaba alyndy — 1 057. Ondan soň Russiýa (506), Italiýa (317), Peru (250) we Awstraliýa (241).
Belläp geçsek, 2020-nji ýylyň ýanwar aýynyň ahyrynda 2023-nji ýylyň 5-nji maýyna çenli aralykda dünýäniň saglygy goraýyş ulgamynda kowid bilen bagly adatdan daşary ýagdaý düzgüni hereket edipdi.
