Ýewropanyň howanyň üýtgemegi boýunça Copernicus gullugy dünýäniň iň yssy iýunyny bellige aldy. Bu barada penşenbe güni France Presse habar berdi.
Agentlik beýannamada: "Iýun dünýäde iň yssy aý boldy, 1991-2020-nji ýyllardaky ortaça görkezijiden 0,5 gradus ýokary bolup, 2019-njy ýylyň iýun aýyndaky öňki rekorddan has ýokarydyr" – diýip ýazýar.
Agentligiň Copernicus-a salgylanyp belleýşi ýaly, Ýewropanyň demirgazyk-günbatar böleginde rekord derejeler hasaba alyndy. Mundan başga-da, Awstraliýada, Hytaýda, Demirgazyk we Merkezi Amerikada howa adatdakysyndan ep-esli gyzdy. Şol bir wagtyň özünde howa Awstraliýanyň we ABŞ-nyň günbatar böleginde, şeýle hem Russiýanyň günbatarynda adatdakysyndan has salkynlady.
Copernicus-iň alymy Žulýen Nikolas agentlige: "2023-nji ýylyň iýun aýyndaky görkezijiler beýlekilerden has ýokary, bu howa juda adatdan daşary, munuň ýaly ýagdaýa biz öwrenişmedik" - diýdi. Onuň sözlerine görä, geçen aýyň rekordy, esasan, okeanyň üstündäki ýokary temperatura bilen baglanyşykly.
