Penşenbe güni Hytaýyň paýtagty Pekiniň howa maglumaty edarasy tarapyndan howanyň ýokary derejede gyzjakdygy - "gyzyl" duýduryş derejesi yglan edildi. Howa boýunça hünärmenleriň duýdurmagyna görä, Pekiniň köp böleginde howanyň temperaturasy gündiz 40 gradusdan geçer. Bu eýýäm tomusda paýtagtda ýokary temperaturanyň boljakdygy barada edilen ikinji duýduryşdyr.
Nanszin etrabynyň şäher howa maglumaty edarasy iýun aýynyň başyndan 5-nji iýuly aralygynda meteorologlaryň 18 gün 35 gradus we ondan ýokary temperaturanyň, dört gün 40 gradus temperaturanyň bolandygyny hasaba alandyklaryny aýtdy. Bu sanlar 1951-nji ýylda bu howa merkezi işe başlaly bäri iň ýokary görkeziji boldy.
Çaklamalara görä, penşenbe-anna günleri şäherde yssy howa dowam eder. Şäher howa gullugy pekinlilere açyk howadaky işlerini azaltmagy we gün urmagynyň hem-de güne ýanmagyň öňüni almak üçin zerur çäreleri görmegi maslahat berdi.
Sinhua agentliginiň habaryna görä, Hytaýyň demirgazyk sebitleri we beýleki bölekleri iýun aýyndan bäri güýçli yssynynyň bäş döwrüni başdan geçirdiler, şonda günüň dowamyndaky iň ýokary temperatura 35C ýa-da ondanam ýokary boldy we Pekin-Týanszin-Hebeý sebitiniň köp ýerinde taryhy rekordlar goýuldy.
