Türkmenistanyň milli ýygyndy toparyndaky dört okuwçynyň dördüsi hem Nýu-Ýork ştatynyň Roçester şäherinde geçirilen 13-nji GENIUS Olympiad 2023 halkara taslama bäsleşiginde baýrakly orunlara eýe bolmagy başardy.
2023-nji ýylyň 12-17-nji iýuny aralygynda Amerikanyň Birleşen Ştatlarynyň Roçester tehnologiýa institutynyň gurnamagynda Nýu-Ýork ştatynyň Roçester şäherinde geçirilen GENIUS Olympiad 2023 halkara taslama bäsleşigi geçirildi. Bu bäsleşige jemi 63 döwletden 1100 sany zehinli okuwçy gatnaşdy.
Türkmenistandan bu halkara taslama bäsleşigine Aşgabat şäheriniň ýöriteleşdirilen 97-nji orta mekdebinden 3 okuwçy we bir mugallym, Aşgabat şäheriniň ýöriteleşdirilen 135-nji orta mekdebinden bir okuwçy gatnaşdy.
GENIUS Olympiad halkara taslama bäsleşiginiň jemi boýunça, bäsleşigiň robototehnika ugry boýunça, Aşgabat şäheriniň ýöriteleşdirilen 97-nji orta mekdebiniň 11-nji synp okuwçysy Öwezow Pirguly, şol mekdebiň 10-njy synp okuwçysy Jumalyýew Jumaly, Aşgabat şäheriniň ýöriteleşdirilen 135-nji orta mekdebiniň 10-njy synp okuwçysy Annamyradow Ybraýym baş baýrak (gran pri), altyn medala, şol mekdebiň 10-njy synp okuwçysy Täçmyradow Dawut bürünç medallary gazanmagy başardylar.
Şeýlelikde milli toparymyz 3 baş baýrak (gran pri), altyn, 1 bürünç medaly almagyň hötdesinden geldi.
Türkmenistanyň toparyna Aşgabat şäheriniň ýöriteleşdirilen 97-nji orta mekdebiniň himiýa mugallymy Garlyýew Meýlis ýolbaşçylyk etdi.
