Garyşyk söweş sungatynyň türkmen söweşijisi Döwletjan Ýagşymyradow “Kurulyş: Osman” atly meşhur türk teleserialynyň dördünji möwsüminiň täze bölüminde surata düşdi.
Türgen filmde batyr esger Balaban Alpyň keşbini janlandyrdy. Täze seriýa eýýäm ATV teleýaýlymynda peýda boldy, Ýagşymyradow bolsa özüniň Instagramdaky sahypasynda hökümdar Osman begiň köp sanly duşmany bilen söweşýän sahnasyny paýlaşdy.
Türkmen söweşijisi ondan öňem "Kurulyş: Osman" seriýasynyň surata düşürilişine gatnaşypdy. Türgen taryhy filmiň üçünji möwsüminiň jemleýji bölüminde baş keşbi janlandyrdy.
2019-njy ýyldan bäri ATV teleýaýlymy tarapyndan ýaýlyma berilýän "Kurulyş: Osman" taryhy başdangeçirmeli serial Beýik Osman imperiýasynyň düýbüni tutujy, meşhur Ärtogrulyň ogly Osman Gazynyň tagta çykmagy ýaly möhüm döwür barada gürrüň berýär.
Dördünji möwsümde Osman Begiň Olaf we onuň ýakyn ýoldaşy Frigg ýaly täze duşmanlar topary bilen alyp baran göreşi barada gürrüň berilýär.
33 ýaşly Döwletjan Ýagşymyradow Bellatoryň ilkinji türkmenistanly wekili. Türgeniň hasabynda 20 ýeňşi, 7 ýeňlişi we 1 deňligi bar. Türkmen söweşijisi soňky gezek şu ýylyň mart aýynda litwaly Julias Anglikas bilen tutluşyp, ýeňmegi başardy.
