Pakistanyň Federal Ministrler kabineti Türkmenistan - Owganystan - Pakistan - Hindistan gaz geçirijisiniň taslamasyny durmuşa geçirmegiň Bilelikdäki meýilnamasyny tassyklady. Bu çözgüt taslamanyň tehniki-ykdysady esaslandyrmasyny tizleşdirmäge we gaz geçirijiniň gurluşygyna geçmäge gönükdirilendir diýip, Pakistan Today neşiri ýazýar.
Ýakynda Türkmenistanyň wekiliýetiniň Yslamabada saparynyň barşynda Pakistanyň Energetika ministrliginiň we «Türkmengaz» döwlet konserniniň ýolbaşçylary bilelikdäki resminama gol çekdiler.
TOPH taslamasyny durmuşa geçirmegiň Bilelikdäki meýilnamasynyň tassyklanylmagy gaz geçirijiniň taslamasyny durmuşa geçirmegi tizleşdirmekde möhüm tapgyry aňladýar. Ol gatnaşyjy döwletleriň sebit energetiki hyzmatdaşlyga ygrarlylygyny görkezýär we sebitde energetika howpsuzlygynyň we ykdysady ösüşiň ýokarlanmagy üçin esas goýýar.
Degişli tassyklama alandan soň, taraplar möhüm taslama ylalaşyklaryny baglanyşmaga, ýer almak işlerini geçirmäge we TOPH taslamasyny durmuşa geçirmegiň strategiýasyny resmileşdirmäge ünsi jemlärler.
