Ferrari-niň 51-nji belgili sport prototipi “Le Manyň 24 sagadynyň” ýokary derejesinde ýeňijisi boldy. Italiýaly öndüriji üçin bu 1965-nji ýyldan bäri ilkinji ýeňiş boldy. Şeýlelik bilen, Ferrari hem, ýaryş hem ýubileýini bellediler: “Le Manyň 24 sagady” 100 ýaşady, indi “Ferrari”-niň tegelek 10 ýeňşi bar.
Ferrari-niň topary 50 we 51 belgili iki meňzeş awtoulagdan ybaratdy, ýöne ikinji Ferrari 499P tehniki näsazlyklar sebäpli pellehana diňe bäşinji bolup geldi.
Toyota 2017-nji ýyldan bäri ilkinji gezek abraýly ýaryşda ýeňiş gazanyp bilmedi. Onuň 8-nji belgili GR010-Hybrid prototipi ikinji ýere çykdy - ahyrky sagadyň öň ýany ýüze çykan awtoheläkçilik päsgel berdi. Üçünji orny Kadilak topary eýeledi. Marafonyň ýeňijisiniň 24 sagadyň dowamynda bary-ýogy 342 aýlaw edendigi bellärliklidir (soňky 20 ýylda iň az aýlaw), çempion bilen bürünç medal alany iki aýlaw tapawutlandyrdy.
