9-14-nji iýun aralygynda Aşgabatda Russian Film Festival ady bilen Rus kinosynyň günleri geçiriler. Şonuň çäklerinde rus režissýory Dmitriý Dýaçenkonyň «Çeburaşka» filmi türkmenistanly tomaşaçylaryň dykgatyna ýetiriler. Bu barada çarşenbe güni Russiýa Federasiýasynyň Medeniýet ministrligi habar berdi.
"9-14-nji iýun aralygynda Aşgabatda Russian Film Festival brendi bilen Rus kinosynyň günleri geçiriler. <...> Türkmen tomaşaçylary rus kinoprokatynyň iň şowly filmine — «Çeburaşka» komediýasyna tomaşa edip bilerler. Bu film şeýle hem 2023-nji ýylda dünýäde iň girdejili filmleriň ilkinji 25-ligine girmegi başardy" diýlip habarda aýdylýar.
Türkmenistanda Rus kinosynyň günleri Russiýanyň Medeniýet ministrliginiň ýanyndaky «Roskinonyň» hem-de RF-niň Türkmenistandaky ilçihanasynyň goldaw bermeginde guralýar. Russian Film Festival ady bilen geçirilýän bu çäre eýýäm Türkmenistanda üçünji gezek geçirilýär.
