29-njy maýda Aşgabatda «Ýyldyz» otelinde Azerbaýjanyň Garaşsyzlyk güni hem-de Azerbaýjan Demokratik Respublikasynyň 105 ýyllygy mynasybetli resmi kabul edişlik dabarasy guraldy. Ýygnananlaryň öňünde Azerbaýjanyň Türkmenistandaky ilçisi Gasan Zeýnalow hem-de Türkmenistanyň Ministrler Kabinetiniň Başlygynyň orunbasary Batyr Atdaýew söz sözledi. Bu barada Azerbaýjanyň Aşgabatdaky ilçihanasy habar berýär.
Türkmenistanyň wise-premýeri B.Atdaýew Türkmenistanyň Prezidenti Serdar Berdimuhamedowyň we ähli türkmen halkynyň adyndan Azerbaýjan Respublikasynyň doganlyk halkyny Milli baýram – Garaşsyzlyk güni hem-de Azerbaýjan Demokratik Respublikasynyň 105 ýyllygy bilen tüýs ýürekden gutlady we dostlukly ýurda abadançylyk, üstünlikleri we gülläp ösmegi arzuw etdi.
Azerbaýjanyň ilçisi Gasan Zeýnalow gutlaglary üçin minnetdarlyk bildirip, Türkmenistan bilen Azerbaýjanyň arasyndaky strategik hyzmatdaşlygyň mundan beýläk hem ikitaraplaýyn esasda bolşy ýaly, köptaraplaýyn görnüşde hem dowam etjekdigine ynam bildirdi.
