Dünýäde çip öndürmekde öňdebaryjy Taiwan Semiconductor Manufacturing Co. (TSMC) kompaniýasy Tencent Holdings Ltd-den öňe geçip, Aziýanyň iň gymmat kompaniýasy diýen adyny gaýdyp aldy.
Şu ýylyň başyndan bäri TSMC-niň paýnamalarynyň bahasy 18,4%, soňky bäş günde bolsa 7,2% gymmatlady. Market Watch-iň maglumatlaryna görä, häzirki wagtda bu kompaniýanyň maýa goýumy 13,8 trillion täze taýwan dollaryna (450 milliard dollar) eýe.
TSMC 2023-nji ýylyň birinji çärýeginde arassa girdejini, geçen ýylyň degişli döwri bilen deňeşdirilende, 2,1%, düşewündi - 3,6% ýokarlandyrdy. Emma bu görkezijiler öňki çärýek bilen deňeşdirilende 30% we 19% pesdi.
Şeýle-de bolsa, hünärmenler emeli aň pudagynyň işjeň ösmegi TSMC tarapyndan öndürilýän öňdebaryjy çiplere islegiň ýokarlanmagyna ýardam eder diýip garaşýarlar.
Ýakynda Aziýanyň iň uly kompaniýalarynyň sanawynda birinji orny eýelän Tencent-iň kapitallaşmagy şu ýyl 7,4 göterim ýokarlandy we Hytaýyň ykdysadyýetiniň haýal dikelýändigi sebäpli soňky bir aýda üýtgewsiz galdy. Häzirki wagtda Tencent-iň kapitallaşmasy 3,17 trillion Gonkong dollaryna (405 milliard dollar) deňdir.
