Italiýanyň Futbol Federasiýasynyň Federal Şikaýat Kazyýeti (FIGC) “Ýuwentusy” şu möwsümde milli çempionatda 10 utukdan mahrum etdi. Bu barada duşenbe güni FIGC-iň metbugat gullugy habar berdi.
Ýanwar aýynda FIGC şikaýat kazyýeti klubdaky maliýe galplyklary baradaky meselä gaýtadan garamaga girişdi. Netijede, “Ýuwentus” Italiýanyň çempionatynda 15 utukdan mahrum edildi we klubyň öňki ýolbaşçylary bolsa dürli möhletler bilen futboldan çetleşdirildi. Turiniň kluby bu karara garşy şikaýat etdi. Aprel aýynda Italiýanyň Ýokary Sport Guramasy FIGC kazyýetine karara täzeden garamagy we täze kazyýet işine çenli sanksiýalary ýatyrmagy buýurdy.
10 utukdan mahrum edilenden soň "Ýuwentusyň" 59 utugy bar we Italiýanyň çempionatynyň sanawynda ikinji orundan ýedinji orna düşdi.
"Ýuwentusyň" öňki prezidenti Andrea Anýelli ýanwar aýynda 24 aýlyk, klubyň öňki wise-prezidenti Pawel Nedwed - 8 aýlyk möhlet bilen işinden çetleşdirildiler. Nedwediň işinden çetleşdirilmegine garşy şikaýat arzasy FIGC kazyýeti tarapyndan kanagatlandyrdy.
