Türkmenistan Milan şäherinde dokma enjamlarynyň halkara sergisine gatnaşar.
Dokma we egin-eşik tehnologiýalarynyň dünýädäki iň uly sergisi bolan ITMA Milan 8-14-nji iýun aralygynda Fiera Milano sergi merkezinde geçiriler. Sergi Germaniýanyň, Italiýanyň, Angliýanyň, Niderlandlaryň, Belgiýanyň, Şweýsariýanyň, Şwesiýanyň, Ispaniýanyň we Fransiýanyň öndürijilerini öz içine alýan CEMATEX dokma birleşigi tarapyndan guralýar.
Dokma senagatynyň sanlylaşdyrylmagy hem-de gaýtadan işläp bolýan, biologik taýdan dargaýan we ekologiýa taýdan arassa önümlere üns – nobatdaky gözden geçirilişiň iň möhüm iki ugry. Milanda geçiriljek ITMA 2023-de gaýtadan işlemäge we daşky gurşawyň durnuklylygyna laýyk gelýän enjamlar hem-de önümçilik usullary has uly gyzyklanma döreder.
Serginiň çäginde bilim we maglumat seminarlary, işewürlik çäreleri we ýygnaklar geçiriler. Umuman, ITMA 2023-e gatnaşmak üçin 42 ýurtdan 1500 töweregi arza berildi.
