Ýewraziýa Ösüş Bankynyň (ÝÖB) başlygy Nikolaý Podguzow Türkmenistanyň, Azerbaýjanyň we beýleki ýurtlaryň soňlugy bilen banka goşulmagyna garaşýar. Ol bu barada Aziýa we Ýuwaş umman sebitiniň Ösüş Institutlarynyň Assosiasiýasynyň (ADFIAP) agzalary bolan maýadarlaryň konferensiýasynyň çäginde žurnalistlere aýtdy.
"Banka gatnaşyjylaryň arasynda Türkmenistany hem Azerbaýjany görmek isleýäris. Wagtyň geçmegi bilen bu ýurtlar hem banka goşular diýip umyt edýärin" –diýip ol belledi.
Şeýle hem, Podguzow ÝÖB bilen Özbegistanyň arasynda respublikanyň ösüş institutyna gatnaşyjylaryň sanawyna girmegi boýunça işjeň gepleşikleri dowam etdirýändigini aýtdy. Podguzow ADFIAP konferensiýasynyň çäginde: "Özbegistan bilen hakykatdanam aragatnaşyk saklaýarys we köp garaýyşlar has ýakynlaşdy. Özbegistan häzire çenli bu banka girmek üçin iň hakyky dalaşgärleriň biri bolmagy ahmal" – diýip belledi.
ÝÖB ykdysady gatnaşyklary giňeltmek we gatnaşyjy ýurtlar: Ermenistan, Belarus, Gazagystan, Gyrgyzystan, Russiýa we Täjigistan bilen ýewraziýa giňişliginde maýa goýum işlerini alyp barýan halkara maliýe guramasydyr. ÝÖB-niň portfelinde esasy paýy ulag infrastrukturasy, sanly ulgamlar, ýaşyl energiýa, oba hojalygy, senagat we inženerçilik ugurlarynda integrasiýa täsiri bolan taslamalar eýeleýär.
