Soňky nesliň Hyundai i20 ykjam hetçbegi bazara çykandan üç ýyl soň, kompaniýa ony ýeňil görnüşde gaýtadan işledi. Ulagyň daşy we içi az üýtgedi, güýç gurluşy-ha asyl hem öňküligine galdy.
Öň tarapynda dizaýnerler bamperiň dizaýnyny birneme düzedip, işleýän yşyklaryň görnüşini bilner-bilinmez üýtgetdiler. Şeýlelik bilen, iň görnükli täzelikler, markaly emblemanyň radiatoryň gözeneginden kapotyň öňündäki panele we özüne çekiji limon “metallik” reňke geçmegidir. Hemişe bolşy ýaly, yzky yşyklaryň nagşyny täzeden aldylar we garyndy tekerleriň täze görnüşlerini çekdiler.
Lucid Lime reňkini saýlanlar, kuzow üçin şol bir öwüşginde içerki bezeg wstawkalaryny sargyt edip bilerler. Satyn alynýan enjamlaryň arasynda USB-C zarýad beriş portlary, “howa arkaly” programma üpjünçiligini täzelemek funksiýasy we tigir sürýänleri işjeň howpsuzlyk ulgamlary tarapyndan tanamak bar. 10.3 dýuýmlyk iki displeýli klaster öňem goýulýardy.
Bir litrlik benzin turbo hereketlendirijisi ýerine ýetirilişine baglylykda 100 ýa-da 120 at güýjüni öndürýär. Olar bilen jübütlikde 6 tizlikli "mehanika" ýa-da 7 tizlikli öňünden saýlanan "robot" bolýar. Mundan başga-da, birinjisi ýangyç tygşytlamak üçin tigirlenip hereket edende hereketlendirijiden doly aýrylmagy başarýar.
