Lexus kompaniýasy ýakyn wagtda nesli täzelenmeli GX wnedorožniginiň ilkinji tizer suratlaryny çap etdi. Wagtal-wagtal täzelenýän GX-iň häzirki wersiýasy 2009-njy ýyldan bäri çykýar. Suratdan çen tutsaň, model çynlakaý üýtgedilen görnüşe eýe bolar we wnedorožnigiň mümkinçiliklerini saklap galar. Ilkinji çykyş senesi entek yglan edilmedi.
Birinji suratda faranyň, kapotyň bir bölegi we tigir arkasy görkezilýär. Täze Lexus GX-iň baş optikasynyň has agras sudury alandygy, gözenegiň garaldylandygy, kapotyň bolsa has burçly hem-de relýeflidigi aýdyň görünýär. Mundan başga-da, wnedorožnik giňeldilen tigir arkalary bilen enjamlaşdyrylar.
Ikinji suratda yzky aýnanyň aşagyndaky ýükdanyň gapysynda diňe Lexus diýen ýazgy görünýär. Gapa hapa pürkülendirdir, görnüşi ýaly, bu GX-iň doly bahaly wnedorožnik bolup galjakdygynyň alamaty bolsa gerek .
Täze ulag, göwrümi has kiçi bolsa-da, häzirki Toyota Land Cruiser bilen TNGA-F modul platformasyny paýlaşar diýlip çaklanylýar. Geljekde täze GX esasynda kompaniýa Land Cruiser Prado-nyň indiki neslini çykaryp biler.
