HHR-iň demirgazyk-günbataryndaky Sian şäheri 18-19-njy maýda geçiriljek “Hytaý – Merkezi Aziýa” sammitini kabul eder. Bu barada HHR DIM-niň resmi wekili Hua Çunin aýtdy diýip, Trend belleýär.
“Hytaý – Merkezi Aziýa” sammiti 18-19-njy maýda Şensi welaýatynyň Sian şäherinde geçiriler. Forumy HHR-iň başlygy Si Szinpin geçirer” – diýlip, beýanda aýdylýar. Onda sammite Gazagystanyň, Gyrgyzystanyň, Täjigistanyň, Türkmenistanyň we Özbegistanyň liderleriniň gatnaşjakdygy hem aýdylýar.
Mundan başga-da, Hytaýyň daşary syýasy edarasynyň saýtynda ýerleşdirilen beýleki bir habarda bellenilişi ýaly, Türkmenistandan galan bu ýurtlaryň prezidentleri ugurdaşlykda 16 – 20-nji maýda Hytaýa döwlet saparlaryny hem amala aşyrarlar.
