Fransiýanyň L’Oreal brendi yzygider dördünji ýyl dünýäniň iň gymmat kosmetika brendleriniň reýtinginde birinji orny eýeleýär. Muny Brand Finance-yň maglumatlary delillendirýär diýip, interfax.ru habar berýär.
Geçen ýyl brendiň bahasy 7,2% ýokarlanyp, 12,03 mlrd dollara ýetdi.
Estee Lauder amerikan brendi tas 10% peselişe (7,15 mlrd dollara çenli) garamazdan, ikinji orunda galdy.
Üçünji orna Nivea (Germaniýanyň Beiersdorf kompaniýasyna degişli) çykdy, ol Gilette brendini (Procter & Gamble Co. kompaniýasy eýeçilik edýär) dördünji orna geçirdi. Şol bir wagtyň özünde, brendleriň ikisiniňem bahasy peseldi – degişlilikde 2,8% (6,62 mlrd dollara çenli) we 4,8% (6,58 mlrd dollara çenli).
Şeýle-de, liderleriň onlugyna Dove (6,47 mlrd dollar), Guerlain (6,31 mlrd dollar), Lancome (5,2 mlrd dollar), Clinique (4,83 mlrd dollar), Pantene (4,64 mlrd dollar) we Garnier (4,1 mlrd dollar) girýär.
Iň çalt ösýän brend Chando hytaý brendi boldy, onuň bahasy bir ýylda 36% (1,3 mlrd dollara çenli) ýokarlandy. Häzir ol reýtingde 32-nji orny eýeleýär.
