3-nji aprelden 30-njy aprel aralygynda dünýäde 2,8 million adama koronawirus ýokuşdy, 17 müňden gowrak adam aradan çykdy. Bütindünýä saglygy goraýyş guramasynyň anna güni agşam beren habaryna görä, aradan çykanlaryň sany, öňki 28 gün bilen deňeşdirilende, 30%, keseller ýokuşanlaryň sany 17% azaldy.
Bütindünýä saglygy goraýyş guramasynyň maglumatlaryna görä, dünýäde dört hepdäniň içinde 2 779 198 ýokuşma we 17459 ölüm hasaba alyndy.
28 günüň dowamynda kesellänleriň aglabasy ABŞ-da ýüze çykaryldy – 392 480. Ondan soň Koreýa Respublikasy (330 509), Ýaponiýa (251158), Hindistan (222 784) we Fransiýa (197 190) gelýär. Bu ýokançdan 3-nji aprelden 30-njy aprel aralygynda iň köp ýogalan Amerikanyň Birleşen Ştatlarynda - 2663 adam boldy. Ondan soň Braziliýa (1 255), Russiýa (993), Fransiýa (871) we Eýran (762) gelýär.
3-nji maýdaky ýagdaý boýunça Bütindünýä saglygy goraýyş guramasynda pandemiýa başlanaly bäri koronawirus bilen kesellänleriň sanynyň 765 222 932 bolandygy we 6 921 614 adamyň bolsa ýogalandygy barada maglumat jemlendi.
