27-nji aprelde, 14-nji maýda geçiriljek prezident we parlament saýlawlarynyň çäklerinde ses berişlik başlaly bäri, 1 milliondan gowrak türk raýaty daşary ýurtdaky saýlaw uçastoklarynda ses berdi. Bu barada çarşenbe güni agşam Türkiýäniň Merkezi saýlaw topary hasabat berdi.
"3-nji maýda ýerli wagt bilen sagat 21:30-da (23:30 aşgabat wagty) daşary ýurt wekilhanalarynda we barlag nokatlarynda ses beren saýlawçylaryň sany 1 million 7 müň 165 adam boldy" diýlip hasabatda aýdylýar.
3,4 million türk raýaty daşary ýurtdaka ses berip biler, şolardan 277,6 müň adam ilkinji gezek ses bermek hukugyndan peýdalanýar. Ses bermeklik 9-njy maýa çenli dowam eder.
MST-nyň habaryna görä, 14-nji maýda geçiriljek saýlawlara jemi 64 million türk raýaty gatnaşyp biler. Ýurduň içinde we onuň çäginden daşarda 191,884 saýlaw gutusy gurlar. Prezident saýlawlaryna dört dalaşgär gatnaşýar. Parlament saýlawlaryna 26 partiýa gatnaşýar.
