Türkmenistanda okuwçylaryň, talyplaryň, ýaş hünärmenleriň, zehinli ýaşlaryň, telekeçi ýaşlaryň, alym ýaşlaryň, ýaşlar kärhanalarynyň arasynda iň oňat mahabat önümini we mahabat nusgalaryny döretmek boýunça «Mahabat üstünligiň açary» atly festiwalyň çäklerinde bäsleşik yglan edildi.
Festiwalyň çäklerinde şu bäsleşikler yglan edilýär:
Durmuş mahabat bäsleşigi, Haryt we hyzmat mahabat bäsleşigi.
Bäsleşige hödürlenjek işler şu nominasiýalar (ugurlar) — teleýaýlymda mahabat, radioýaýlymda mahabat, grafiki (çap) mahabat, adaty däl mahabat, internet mahabaty, mahabat suraty ugurlary boýunça kabul ediler.
Bäsleşige gatnaşmaga isleg bildirýänler 2023-nji ýylyň 20-nji maýyna çenli arzasyny, onuň ýanyna goşulýan resminamalaryny we bäsleşik üçin hödürleýän işlerini Türkmenistany Bilim ministrliginiň 11-nji gatynda ýerleşýän Ýaşlar syýasaty bölümine tabşyrmaly.
2023-nji ýylyň 31-nji maýynda Türkmenistanyň Ylymlar akademiýasynyň Tehnologiýalar merkezinde festiwalyň ýeňijilerini we dalaşgärlerini sylaglamak dabarasy geçiriler.
Bäsleşigiň düzgünnamasy bilen doly tanyş bolmak üçin şu salga basyň.
Resminamalaryň kabul edilýän ýeri we wagty: Türkmenistany Bilim ministrliginiň 11-nji gaty, Ýaşlar syýasaty bölümi.
Hepdäniň dowamynda sagat:10:00-17:00.
Habarlaşmak üçin biziň salgymyz:
Türkmenistany Bilim ministrligi, Aşgabat ş.,Arçabil şaýoly, 104.
Telefon belgileri: (+993 12) 44 84 95.
