Türkiýede täze nebit ýatagynyň üsti açyldy. Netijede indi daşary ýurtlardan energiýa serişdelerini getirmek zerurlygy aradan aýrylar. Bu barada sişenbe güni Türkiýäniň Prezidenti Rejep Taýyp Ärdogan habar berdi.
"Biz Gabar sebitinde (günorta-gündogar) 2,6 km çuňlukda nebit tapdyk. Ýatagyň günde 100 000 barrele çenli önümçilik kuwwaty bar. Bu ýatakdan Türkiýäniň beýleki nebit ýataklaryndan alanyňdakydan has köp nebit çykarylar. Türkiýe mundan beýläk energiýa serişdeleriniň üpjünçiligine mätäç ýurt bolmaz. Biz energiýa serişdeleri bilen üpjün edip biljek döwlete öwrüleris "- diýip Prezident nygtady.
Türk Lideriniň sözlerine görä, agzalan ýatakdan çig mal nebiti gaýtadan işleýän zawodlara eýýäm akyp başlady. Uglewodorodlaryň täze çeşmesiniň tapylandygy baradaky beýannama Ärdogan tarapyndan respublikadaky prezident we parlament saýlawlarynyň 12 gün öňýany berildi.
