Microsoft öz markasy bilen gajetleri we kompýuter esbaplaryny öndürmez. Bu barada The Verge neşiri ýazdy diýip, lentu.ru habar berýär.
Microsoft-yň uly aragatnaşyk menejeri Den Leykok žurnalistler bilen söhbetdeşlikde kompaniýanyň meşhur marka ady bilen enjam öndürmegi bes etjekdigini aýtdy. Munuň ýerine ähli täze syçanjyklar, klawiaturalar, web kameralar we beýleki kompýuter esbaplary Surface markasy astynda öndüriler.
Leýkok üçünji tarapyň dükanlarynyň ätiýaçdaky harytlary gutarýança Microsoft-yň öz markasy astynda aksessuarlaryny birnäçe wagtlap satmagyny dowam etdirjekdigini aýtdy.
Žurnalistler kompaniýanyň Surface markasy bilen kompýuter esbaplaryny öndürmegi bes etjekdigi baradaky myş-myşlary hem inkär etdiler, tersine, amerikan korporasiýasynyň ähli gajetleri bu söwda markasy bilen çykarylar.
IT ägirdiniň metbugat sekretary kompaniýanyň Surface markasy boýunça elýeterli enjamlary hödürläp-hödürlemejegini mälim etmekden saklandy. Ondan öň The Verge-niň awtorlary Surface klawiaturasynyň korporasiýanyň onlaýn dükanynda 129 dollara satylýandygyny, Microsoft markaly şuňa meňzeş enjamyň bary-ýogy 59.99 dollardygyny bellediler.
Microsoft tarapyndan çykarylan ilkinji gajet 1985-nji ýylda hödürlenen kompýuter syçanjygydy.
