"Red Bull-yň" meksikaly sürüjisi Serhio Peres Bakuwda geçirilen "Formula-1" çempionatynyň dördünji tapgyry bolan Azerbaýjanyň Gran-prisinde ýeňiji boldy.
Peres üçin bu ýeňiş möwsümde ikinji boldy, bir gün öň ol sprint ýaryşynda-da ýeňiş gazanypdy. Tapgyrda ikinji orny onuň topardaşy niderlandly Maks Werstappen eýeledi, üçlügi "Ferrariden" Şarl Lekler jemleýär.
Şeýle-de, ilkinji onluga şular girdi:
4. Fernando Alonso ("Aston Martin");
5. Karlos Saýns ("Ferrari");
6. Lýuis Hemilton ("Mersedes");
7. Lens Stroll ("Aston Martin");
8. Jorj Rassell ("Mersedes");
9. Lando Norris ("Maklaren");
10. Ýuki Sunoda ("Alfa Tauri").
Ýaryşyň dowamynda bolid bilen bagly näsazlyk sebäpli hytaýly Çžou Guanýuý ("Alfa Romeo"), şeýle-de öwrümleriň birinde ulagy zaýalanan niderlandly Nik de Wris ("Alfa Tauri") distansiýadan çykdy.
Çempionatyň indiki tapgyry Maýaminiň Gran-prisi bolup, 5-7-nji maýda geçiriler.
