Boeing Co. amerikan konserni I çärýekde arassa ýitgisini tas üç esse azaltdy, şol bir wagtyň özünde düzedilen görkeziji we girdeji analitikleriň çaklamasyndan ýokary boldy. Muny interfax.ru ýetirýär.
Kompaniýanyň metbugat relizinde habar berlişi ýaly, ýanwar – mart aýlarynda arassa ýitgi geçen ýylyň degişli döwründäki 1,22 mlrd dollar ýa-da paý üçin 2,06 dollar bilen deňeşdirilende, 414 mln dollar ýa-da paý hasabynda 0,69 dollar boldy. Bir gezeklik faktorlary hasaba almazdan, ýitgi paý hasabynda 2,75 dollardan 1,27 dollara çenli azaldy.
Girdeji 28,1% - bir ýyl ozalky 13,991 mlrd dollara garşy 17,921 mlrd dollara çenli ýokarlandy.
Analitikler kompaniýanyň 17,52 mlrd dollar girdejide paý üçin 1,07 dollar derejesinde düzedilen ýitgini almagyny çaklapdylar. Mart aýynyň ahyrynda kompaniýanyň sargyt portfeli 2022-nji ýylyň ahyryndaky 404 mlrd dollar bilen deňeşdirilende, 411 mlrd dollar bilen bahalandyryldy.
Geçen çärýek Boeing bazara 130 uçar iberdi we 107 laýner üçin sargyt aldy.
Soňky ýylda korporasiýanyň bazar bahasy 34,6% (121 mlrd dollara çenli) ýokarlandy, Dow Jones Industrial Average fond indeksi bolsa 0,8% ýokarlandy.
