2022-nji ýylda aradan çykan Beýik Britaniýanyň şa aýaly Ýelizaweta II-niň jaýlanyşynyň ýaýlyma berilmegine jogapkär bolan režissýorlar topary – Piter Brijes, Metýu Çarlz, Konrad Fletçer, Julian Gof, Endi Jeýms we Endi Peýn iki nominasiýada Britaniýanyň Kino we telewizion sungaty akademiýasynyň baýragyna (BAFTA TV Craft Awards) mynasyp boldy. Bu barada baýragyň saýtynda habar berilýär diýip, rbc.ru belleýär.
Birinji nominasiýa hakyky ses, ikinjisi bolsa birnäçe kamerany ulanmak bilen režissýorlyk işi üçin boldy.
Ýelizaweta II 8-nji sentýabrda 96 ýaşynda aradan çykdy. Şotlandiýanyň Milli arhiwi tarapyndan berlen ölüm şahadatnamasyna görä, ol tebigy sebäpden – garrylykdan ýogaldy. 19-njy sentýabrda şa aýalynyň jesedi bilen tabyt Windzor galasynyň buthanasyndaky şa mazaryna ýerleşdirildi, ondan öň on günläp hoşlaşyk çäresi geçirildi.
Bi-bi-si-niň maglumatlaryna görä, Britaniýanyň şa aýalynyň jaýlanyşyna 37,5 mln adam tomaşa etdi. Dabara Britaniýanyň 50-den gowrak kanalynda ýaýlyma berildi.
