2023-nji ýylda «Ýylyň mugallymy» diýen hormatly ada Aşgabat şäheriniň ýöriteleşdirilen 134-nji orta mekdebiniň surat we çyzgy mugallymy Gülälek Täçmyradowa mynasyp boldy.
Ol milli derejedäki surat sergilerine ençeme gezek gatnaşdy we ýeňiji boldy, geçen ýyldan bäri Türkmenistanyň Suratkeşler Birleşiginiň agzasy.
«Ýylyň mugallymy» bäsleşiginiň panoramik sergisiniň çäginde mugallymyň diwarlygynda onuň öz eli bilen döredilen gobelenler, suratlar, keramika önümleri, aýal-gyzlaryň şaý-sepleri görkezildi. Ylmy gözlegleri "POSTERIORI" halkara akademiki neşirýatynyň "Ylmy Artel" žurnaly tarapyndan bellendi.
Mary şäheriniň 12-nji çagalar bagynyň mugallymy Gülälek Rejepowa «Ýylyň terbiýeçisi — 2023» adyna eýe boldy. Ol Marynyň Hydyr Derýaýew adyndaky Mugallymçylyk mekdebini tamamlap, ene-atasynyň kesbi-kärini dowam etdirdi.
Gülälek «Ýylyň terbiýeçisi - 2023» bäsleşigine hödürlenen iň oňat dizaýn eserleriniň biriniň awtory. Taslama oýun-öwrediji okuw formatlarynda ulanylýan we çagalarda dil endiklerini ösdürmäge we berkitmäge gönükdirilen sanly tehnologiýalaryň ähli artykmaçlyklaryny öz içine alýar. Bu barada «Neýtralnyý Türkmenistan» gazetinde habar berilýär.
