Mercedes-Benz 20-nji Şanhaý halkara awtoulag senagaty sergisine (Auto-Shanhai 2023) birnäçe täze önüm getirdi, şolaryň arasynda “Maybach EQS SUV” markaly premium elektrik krossoweriniň dünýä tanyşdyryş nusgasy hem bar. Sişenbe güni kompaniýanyň diwarlygynda degişli tanyşdyrylyşlar geçirildi.
Mercedes-Benz awtoulagy hödürlemek bilen onuň kompaniýanyň şu wagta çenli öndüren iň ýokary premium elektrikli awtoulagydygyny düşündirdi. EQS SUV ulagy bir zarýadda 813 km-e çenli ýol geçmäge ukyply. 10% -den 80%-e çenli zarýad bermek bary-ýogy 37 minut alýar. Elektrik ulagy komplektasiýasyna baglylykda 4,4-6,4 sekuntda sagatda 100 km-e çenli tizligini artdyrýar.
Sergide görkezilen nusganyň içine ak deri çekilen, ýöne müşderiler üçin beýleki reňk görnüşleri hem bar. Bezegiň göze dürtülýän üýtgeşik bölegi esasy paneldäki ägirt uly displeýdir, ol tutuş paneli eýeleýär diýen ýaly.
