Şu gün, 18-nji aprelde Yzgant obasynyň Abyl işan gonamçylygynyň ýanyndaky ýörite taýýarlanan ýerde türkmen halkynyň Milli Lideri Gurbanguly Berdimuhamedow kyblasy we mähriban käbesi, Prezident Serdar Berdimuhamedow atasy Mälikguly agany, eziz enesi Ogulabat ejäni hatyralap, agzaçar sadakasyny berdiler.
Agzaçar wagty golaýlaberende Türkmenistanyň Halk Maslahatynyň Başlygy Türkmenistanyň Prezidenti bilen bilelikde, mähriban pederleriniň baky aram tapan topragyna geldiler.
Türkmen halkynyň Milli Lideri we döwlet Baştutany ýygnananlar bilen mähirli görşüp, olaryň mukaddes aýda eden doga dilegleriniň , ýagşy umyt-arzuwlarynyň Beýik Biribaryň dergähinde kabul bolmagyny dileg etdiler hem-de özleriniň berýän agzaçar sadakasyna gatnaşýandyklary üçin minnetdarlyk bildirdiler.
Soňra Türkmenistanyň müftüsi tebärek çykdy.
Tebärekden soň, agzaçar sadakasyna gatnaşyjylara nahar çekildi.
Nahardan soň, aýat-töwir okalyp, agzaçar sadakasynyň Allatagalanyň dergähinde kabul bolmagy dileg edildi.
