Tokio uniwersiteti talyplara ChatGPT emeli aňyň çat-botuny ulanyp ýazylan ylmy işleri tabşyrmagy gadagan etdi. Bu barada duşenbe güni uniwersitetiň saýtynda ýerleşdirilen beýanatda aýdylýar.
"Talyplar ylmy işlerini özbaşdak ýazmaly diýip hasaplaýarys, şonuň üçin hem emeli aňyň kömegi bilen ýazylan tekstleri bahalandyrmak üçin kabul etmeris" –diýip, beýanatda nygtalýar.
Duşenbe güni Tokioda geçirilen metbugat ýygnagynda ChatGPT bilen bagly ýagdaýa Ýaponiýanyň Ministrler Kabinetiniň Baş sekretary Hirokadzu Masuno teswir berdi. Ministrler Kabinetiniň baş sekretary: "Emeli aň tehnologiýalary bilen baglanyşykly tendensiýalary öwrenmegi we olaryň döreden aladalaryny, şol sanda, ulanyjylaryň şahsy maglumatlarynyň daşyna ýaýramagynyň mümkindigini seljermegi dowam edýäris" - diýdi.
Ýaponiýanyň Bilim, Medeniýet, Sport, Ylym we Tehnologiýa ministrligi, çat-botuň bilimde giňden ulanylmagy okuwçylaryň özbaşdak pikirlenip bilmek ukybyna zyýan ýetirer ätiýajynyň bardygy sebäpli, ChatGPT-ni ulanmak boýunça tekliplerini taýýarlaýar.
Amerikanyň OpenAI kompaniýasynyň ChatGPT-y 2022-nji ýylyň aýagynda çykdy.
