“Pari Sen-Žermen” klubunyň argentinaly oýunçysy Lionel Messi Fransiýanyň çempionatynyň 30-njy tapgyrynyň “Nissa” garşy oýnunda gol saldy. Oýun “PSŽ-niň” 2:0 hasabynda ýeňmegi bilen tamamlandy.
Bu gol argentinaly üçin hasap boýunça ýewropa klublary üçin geçiren 702-nji goly boldy. 672 goly Messi Ispaniýanyň “Barselonasy” üçin salypdy, galan 30 goly “PSŽ-niň” düzüminde geçirdi. Şeýlelikde, oýunda geçiren goly bilen Messi Ýewropa klublary üçin gol sany boýunça täze rekord goýdy diýip, smi.today habar berýär. Messiden öň bu rekord häzir “Al-Nasrda” çykyş edýän portugaliýaly oýunçy Kriştianu Ronalduwa degişlidi. Onuň hasabynda Ýewropa toparlary üçin 701 gol bar: 405-isini Ispaniýanyň “Realy”, 145-isini Angliýanyň “Mançester Ýunaýtedi”, 101-isini Italiýanyň “Ýuwentusy”, 5-isini Portugaliýanyň “Sportingi” üçin geçirdi.
Messi “PSŽ-ä” 2021-nji ýylyň awgust aýynda geçdi. Onuň klub bilen şertnamasy 2023-nji ýylyň tomsuna çenli niýetlenýär.
