Google korporasiýasy öz gözleg ulgamyna emeli aň bilen söhbetdeşligi goşmagy meýilleşdirýär. TASS-yň habaryna görä, bu barada kompaniýanyň başlygy Sundar Piçainiň The Wall Street Journal gazetine beren interwýusynda aýdylýar.
"Adamlar gözlege sorag berip, onuň kontekstinde uly dil modelleri bilen täsirleşip bilerlermi? Elbetde" - diýip, Piçai bellänem bolsa,önümiň haçan ulanyjylara elýeterli boljakdygyna jogap bermekden saklandy.
Google täze AI modelleriniň kömegi bilen şu ýylyň fewral aýynda tanyşdyrylan Bard emeli aňynyň esasynda çat-botuny kämilleşdirmegi dowam etdirjekdigini aýtdy diýip, korporasiýanyň başlygy belledi. Korporasiýa, söhbetdeşlik tertibinde işläp, adam kimin gürrüňdeş bolup bilýän AI esasly ChatGPT çat-botuny ösdürmek üçin ozal 10 milliard dollar maýa goýan Microsoft bilen netijeli bäsleşmek üçin, täze tehnologiýa döredýär. Hünärmenleriň pikiriçe, bu tehnologiýanyň kömegi bilen Microsoftyň hyzmatlary tekst düzedişinden has çylşyrymly işleri ýerine ýetirip biler.
Geçen aý Google bulut hasaplaýyş hyzmatyny döredijiler üçin iň uly AI ulgamlaryndan biri bolan Pathways dil modelini açdy.
