NASA Aýa iberiljek Artemis 2 missiýasyna gatnaşyjylaryň atlaryny mälim etdi

  • 05.04.2023 16:14
  • 10k+

Amerikaly astronawtlar Kristina Kuk, Wiktor Glower we Reýd Uaýzmen, şeýle-de kanadaly astronawt Jeremi Hansen 2024-nji ýylyň noýabr aýynda Aýyň töweregine uçuşy amala aşyrjak Artemis 2 missiýasynyň düzümine girerler. Bu barada Milli aeronawtika we kosmos giňişligini öwrenmek boýunça edaranyň (NASA) habarynda aýdylýar diýip, TASS habar berýär.

Uçuş NASA Orion gämisinde amala aşyrylar. Missiýa Aýy aýlanyp, Ýere gaýdyp geler.
2019-njy ýylyň ýazynda NASA üç tapgyrdan ybarat bolan Artemis Aý maksatnamasynyň taslamasyny anons etdi. Olardan birinjisi (Artemis 1) Space Launch System (SLS) raketasyna oturdylan Orion gämisiniň Aýyň töweregine sürüjisiz uçuşyny we Ýere gaýdyp gelmegini göz öňünde tutupdy. Uçuş 2022-nji ýylyň 16-njy noýabryndan 11-nji dekabry aralygynda boldy.
Ikinji tapgyr (Artemis 2) bortda ekipaž bilen Ýeriň tebigy hemrasynyň töweregine uçuşdyr. Missiýanyň üçünji tapgyrynda (Artemis 3) NASA astronawtlary Aýa düşürmegi, soňra olary 2030-njy ýyllaryň ortalarynda Marsa ibermegi göz öňünde tutýar.


29.09.2025 08:56
2.1k+

NASA-da astronawtlyga dalaşgärleriň düzüminde ilkinji gezek zenanlar erkeklerden köp boldy

NASA 2025-nji ýylda astronawt bolmaga dalaş edýän 10 adamyň adyny yglan etdi. Agentligiň taryhynda ilkinji gezek zenanlar erkeklerden köp boldy: alty zenan, dört erkek. Bäsleşige gatnaşmak üçin 8 müňden gowrak amerikaly arza tabşyrdy...

27.09.2025 19:40
2.4k+

NASA 2026-njy ýylda Aýyň daşyndan adamly uçuşy meýilleşdirýär

NASA 2026-njy ýylyň 5-nji fewralynda «Artemida» maksatnamasynyň çäginde ekipažly Aý uçuşyny amala aşyrmagy meýilleşdirýär. Eger bu senä çenli ýetişilmese, iň soňky sene hökmünde aprel aýy görkezilýär diýip, Reuters habar berýär...

24.09.2025 13:11
3.1k+

NASA ýene 6 müňden gowrak planetanyň bardygyny tassyklady

NASA Gün ulgamyndan daşary ýene 6 müňden gowrak planetanyň bardygyny tassyklady diýip, Science Alert neşiri habar berýär. Ilkinji ekzoplanetalar 1992-nji ýylda açyldy: astronomlar pulsaryň töwereginde aýlanýan birnäçe planetany ýüze çykardy...

18.09.2025 10:47
1.9k+

NASA “çipdäki beden agzalarynyň” Aýa uçuşa nähili çydajagyny barlar

NASA 10 gün dowam etjek we Aýa uçuşyň dowamynda geçjek Artemis II missiýasynyň çäklerinde AVATAR (A Virtual Astronaut Tissue Analog Response) synagyny geçirer. Synaglaryň dowamynda “çipdäki beden agzalary” - Artemis II-niň astronawtlarynyň süňk ýiliginiň öýjüklerini öz içine alýan fleşkanyň ölçegindäki enjamlar ulanylar...