ABŞ 2022-2024-nji maliýe ýyllarynda dünýäde demokratiýanyň goldawyna 9,5 mlrd dollar bölüp bermegi meýilleşdirýär. Bu barada Ak öýüň saýtynda habar berilýär diýip, rbc.ru belleýär.
“2022-nji, 2023-nji we 2024-nji maliýe ýyllarynda Birleşen Ştatlar bütin dünýäde demokratiýanyň, adam hukuklarynyň we dogry dolandyryşyň goldawyna maýa goýdy we takmynan, 9,5 mlrd dollar gönükdirmegi maksat edinýär” – diýlip, beýanda aýdylýar.
28-nji martda ABŞ-da “Demokratiýa sammiti” başlady, çäre 30-njy marta çenli dowam etdi. Oňa 120 ýurduň lideri gatnaşdy. Duşuşykda Ukrainadaky dawalar, korrupsiýa bilen göreş, demokratiýany ösdürmek boýunça hyzmatdaşlyk, zenanlaryň ýagdaýy we beýleki meseleler ara alnyp maslahatlaşyldy. ABŞ birinji “Demokratiýa sammitini” 2021-nji ýylyň dekabrynda geçirdi, häzirki çäre ikinji boldy.
ABŞ-nyň prezidenti Jo Baýden sammitiň açylyş dabarasynda çykyş etmek bilen, Birleşen Ştatlaryň iki ýylyň dowamynda bütin dünýäde demokratiýany, şol sanda garaşsyz HBS-i, erkin we adalatly saýlawlary goldamak üçin 690 mln dollar bölüp berjekdigini aýtdy.
