Alymlar Aýda suwuň gaýtadan dikeldilýän çeşmesini tapdylar. Bu barada «Nature Geoscience» ylmy žurnalynda ýerleşdirilen makalada aýdylýar.
Bellenilişi ýaly, suw çeşmesi üç ýyl mundan ozal Hytaýyň missiýasy tarapyndan Ýeriň hemrasyndan getirilen nusgalarda tapyldy.
Suw meteoritler bilen çaknyşmada emele gelýän Aý palçygynyň ownujak aýna böleklerinde saklanýar. Alymlar ini saçyň bir gylyndan birnäçe gylyna çenli bolan 32 bölejigi öwrendiler. Bu bölejikler Gün ýelindäki wodorod molekulalary bilen çaknyşmada üznüksiz suw çykaryp bilerler. Gözlegçileriň pikiriçe, Aýda şeýle bölejikleriň mukdary milliardlarça barabardyr.
Alymlar geljekki robotlaşdyrylan missiýalaryň dowamynda suwy bölejikleri gyzdyrmak arkaly alyp bolar diýip çaklaýarlar, ýöne ilki bilen onuň içmek üçin ýaramlydygyny ýa-da däldigini anyklamak gerek.
