Toyota 30-njy martda, penşenbe güni dünýädäki satuwynyň, geçen ýyl bilen deňeşdirilende, 10,3 göterim ýokarlandygyny we 773 271 birlik bolandygyny mälim etdi. Fewral aýyndaky söwdanyň görkezijileri korporasiýanyň tutuş taryhynda bu aý üçin rekord goýdy.
Öndüriji ýarymgeçirijileriň ýetmezçiliginiň azalmagy bilen, içerki söwdanyň gaýtadan ýokarlandygyny tassyklady. Ýaponiýada satuwlar, şol sanda kiçi awtoulaglaryň söwdasy, ätiýaçlyk şaýlarynyň ýetmezçiligi we koronawirus bilen baglanyşykly çäklendirmeleriň täsiri sebäpli geçen ýylky aşak düşüşden soň 53,2% ýokarlanyp, 155 840 birlige ýetdi.
Toyota-yň içerki önümçiligi hem 11,2 göterim ýokarlap, 281 521 awtoulag boldy. Ýanwar aýynda kompaniýa bu depgini 30,1% ýokarlandyrdy. Bu fewral aýynda 2% ýokarlanan ählumumy önümçiligiň 750 000 birlikden 755 839 birlige ýetmegine kömek etdi. Toyota-nyň dünýä bazaryndaky önümçiligi hem yzly-yzyna iki aý bäri ösýär. Ýanwar aýynda dünýä önümçiliginiň ösüşi 8,8% boldy.
Geçen ýyl Toyota özüniň Daihatsu we Hino bölümleri bilen bilelikde 10 48 million ulag satmak bilen, üç ýyl bäri yzygider dünýäde awtoulag satuwynda birinji ýeri eýeläp geldi.
