Türkiýäniň Antalýa şäherinde 31-nji martdan 2-nji aprel aralygynda nobatdaky “Uly tuwulga” ýaryşy geçiriler. Onuň guramaçysy bolup Türkiýäniň dzýudo federasiýasy çykyş edýär diýip, Anadolu agentligi habar berýär.
Türkiýäniň syýahatçylyk “paýtagtynda” şeýle ýaryş eýýäm üçünji gezek geçirilýär. Birinji ýaryş 2021-nji ýylda, ikinjisi geçen ýylyň aprel aýynda geçirildi.
Türkiýäniň dzýudo federasiýasynyň habar bermegine görä, geçiriljek ýaryş dzýudoçylaryň we gatnaşýan ýurtlaryň sany taýdan iň abraýly sport çäreleriniň biri hasaplanýar. Şu ýyl Antalýada geçirilýän “Uly tuwulga” ýaryşyna Olimpiýa oýunlarynda, Dünýä we Ýewropa çempionatlarynda orun alan dzýudoçylar-da gatnaşýar. Türkiýeden göreş düşegine 21 zenan dzýudoçy we 23 erkek dzýudoçy çykar.
Ýaryş 85 döwletden 266 zenan dzýudoçynyň we 350 erkek dzýudoçynyň gatnaşmagynda Antalýanyň sport toplumynda geçiriler.
