Ýewropa Bileleşigi ähli kagyz we plastik resminamalardan, hususan-da ID-kartlardan we sürüjilik şahadatnamalaryndan ýüz öwürmäge mümkinçilik berýän sanly gapjyk döredýär.
ERR-e salgylanýan Report sanly gapjyk goşundysynyň üstünde işlemegiň eýýäm tamamlanandygyny, onuň synagdan geçirilýändigini habar berýär.
Sürüji şahadatnamalaryny, balyk tutmak üçin rugsatnamalary, derman serişdeleri üçin reseptleri we beýleki rugsat hatlaryny sanly gapjykda saklamak mümkin bolar. Maglumatlara görä, gapjyk eýesiniň islegine görä maglumatlary ýapmak wezipesine eýe bolar, ýagny gapjyk kime we haýsy maglumatlary bermelidigini saýlamaga mümkinçilik berer.
"Mysal üçin, ýol polisiýasy sizi saklasa, hakykatdanam şahsy koduňyzy we adyňyzy görmäge hukugy bar, şol bir wagtyň özünde dükan işgäriniň siziň nirede ýaşaýandygyňyzy, şahsy koduňyzy, doglan senäňizi ýa-da adyňyzy bilmek zerurlygy ýok. Diňe adamyň 18 ýaşdan geçendigini görmeli, bu oňa gerek bar zerur maglumat" – diýip, Döwlet maglumat ulgamy bölüminiň hünärmeni Mark Erlih düşündiriş berdi.
Erlihiň sözlerine görä, häzirki wagtda ÝB döwletleriniň 2025-nji ýylyň ahyryna çenli sanly gapjyk ulanyp başlamagy üçin hiç hili päsgelçilik ýok.
