Nokia 2023-nji ýylyň ahyryna çenli Aýda 4G mobil toruny (LTE) ornaşdyrmagy meýilleşdirýändigini habar berdi. Ol NASA-nyň howandarlygynda «Artemida» missiýasynyň bir bölegi hökmünde ulanylar.
Nokia-nyň baş inženeri Luis de Teminonyň sözlerine görä, enjam ýakyn aýlarda SpaceX raketasyny ulanyp, Ýeriň hemrasyna iberiler. Aýyň Günorta polýusynda ýerleşýän Şeklton krateri infrastrukturanyň takyk ýeri hökmünde saýlandy.
Bellenilişi ýaly, sanawda Intuitive Machines kompaniýasy tarapyndan işlenip düzülýän Nova-C gury ýerdäki esasy stansiýa bolar. Şeýle hem modula ýoldaş bolmak üçin Aý rowerini ulanmak meýilleşdirilýär. Tehnologiýanyň kosmosda işlemek üçin döredilendigi aýdylýar.
Fin kompaniýasynyň habar bermegine görä, 4G geljekde Aýa gitjek kosmonawtlara biri-biri we missiýa gözegçilik merkezi bilen aragatnaşyk saklamaga, tehnikany uzakdan dolandyrmaga, wideolary ýaýlyma bermäge we beýleki maglumatlary öýjükli ulgam boýunça geçirmäge mümkinçilik berer. Şol bir wagtyň özünde, öýjükli aragatnaşyk adaty radiodan has durnukly we ygtybarly bolar.
