Ýewropa Bileleşiginiň Geňeşi awtoulaglaryň uglerod zyňyndylaryny azaltmak boýunça ÝB-niň täze maksatly görkezijilerini tassyklady: 2030-njy ýyldan 2034-nji ýyla çenli täze ýeňil awtoulaglaryň uglerod zyňyndylary, 2021-nji ýyl bilen deňeşdirilende, 55%, 2035-nji ýyla çenli 100% azaldylmaly.
Bu barada ÝB-niň Geňeşiniň çap edilen kararynda aýdylýar diýip, TASS habar berýär.
"ÝB-niň Geňeşi täze awtoulaglar we furgonlar üçin uglerod zyňyndylarynyň has berk kadalary baradaky karary tassyklady. Täze düzgün islendik ulag görnüşindäki zyňyndylaryň iň köp bölegini emele getirýän ýol ulaglaryndan çykýan zyňyndylary azaltmagy maksat edinýär. Şeýle hem olar, innowasiýa çemeleşmesini dowam etdirip, awtoulag pudagynyň zyňyndysyz ýagdaýa geçmegine itergi berer” diýip, resminamada bellenýär.
Aslynda, bu benzin ýa-da dizel bilen işleýän içerki ýangyç hereketlendirijili (ICE) täze awtoulaglaryň satylmagyny gadagan etmegi aňladýar. Täze kanunçylygyň möhüm bölegi wodorod ýaly "bitarap-uglerod ýangyçda" işleýän awtoulaglary hasaba almagyň düzgünleriniň ÝB-de döredilmegi bolar. Şeýle awtoulaglaryň satuwy 2035-nji ýyldan soň elektrik ulaglar bilen birlikde dowam edip biler.
