Apple özünde oturdylan kamerasy bolan akylly sagady patentledi. Bu barada Appleinsider neşiri habar berýär.
Enjamyň konsepsiýasy ABŞ-nyň Patentler we söwda nyşanlary edarasynyň (USPTO) web sahypasyndan tapylan resminamada beýan edilipdir. Talap hatynda akylly sagadyň ýokarsy kamera bilen enjamlaşdyrylyp bilner diýip aýdylýar. Žurnalistleriň pikiriçe, Amerikanyň IT ägirdi bu enjamy ýakyn wagtda çykarsa gerek.
Materialda kameranyň dürli maksatlar üçin ulanylyp bilinjekdigi aýdylýar. Inženerleriň pikiriçe, kamera ulanyjyny tanamak, barmak yzyny okamak, QR kody skanirlemek we wideo aragatnaşyk üçin peýdaly bolup biler. Mundan başga-da, sagadyň eýesi surata düşürmek we wideo ýazgy etmek üçin kamerany ulanyp biler.
Apple-iň inženerleriniň pikiriçe, täze akylly sagadyň formasy sagatbagy dakmaga päsgel bermeýän şekilde bolmaly.
