“Ýewrowideniýe” halkara aýdym-saz bäsleşiginiň finaly taryhda ilkinji gezek Beýik Britaniýanyň kinoteatrlarynda göni ýaýlymda görkeziler. “Deadline” neşiriniň habar bermegine görä, bu maglumat Ýewropanyň ýaýlym birleşigi (EBU) tarapyndan tassyklandy. Muny gazeta.ru ýetirýär.
Ýatlap geçsek, “Ýewrowideniýe-2022-de” Ukrainadan Kalush Orchestra topary ýeňiji boldy, ýöne 2023-nji ýylyň bäsleşigi howpsuzlygy üpjün etmek maksady bilen bu ýurduň çäginden Beýik Britaniýanyň Liwerpul şäherine geçirildi. Belli bolşy ýaly, Ukrainanyň wekili “Ýewrowideniýäniň” 13-nji maýda geçiriljek finalyna göni geçer.
Halaýan gatnaşyjylaryna bäsleşige gatnaşmaýan ýurtlardan bolan tomaşaçylar hem ses berip biler. Oňa 2022-nji ýylda bäsleşige gatnaşmakdan çetleşdirilen Russiýa we 2021-nji ýylda bäsleşikden aýrylan Belorussiýa hem degişlidir.
“Galan dünýäniň” ses berişliginiň nähili we nirede geçiriljekdigi barada has jikme-jik maglumatlary biz çäräniň geçiriljek wagtyna golaý mälim ederis” – diýip, birleşikde bellenildi.
