Amerikaly telekeçi Ilon Mask Twitteriň işgärlerine, kompaniýanyň umumy bahasy takmynan 20 milliard dollar hasabyndan, paýnamalar görnüşinde sylag hödürledi, bu bolsa satyn alan bahasynyň ýarysyndan gowragy — 44 milliard dollar. Bu barada Twitterdäki içerki hat alyşmalary bilen tanyş çeşmä salgylanýan The Information portaly habar berdi diýip, TASS ýazýar.
"Bu geleşikden bäri kompaniýanyň bahasynyň näçeräk peselendigini gönüden-göni ykrar etmek" -diýip, neşir belleýär.
Twitter we Mask entek bu maglumat barada teswir bermedi.
2022-nji ýylyň 27-nji oktýabrynda telekeçi Twitteri satyn almak üçin 44 milliard dollarlyk şertnama baglaşdy. Ol şondan soň derrew kompaniýanyň ýolbaşçylarynyň birnäçesini, şol sanda baş direktor Parag Agrawaly we maliýe müdiri Ned Sigaly işinden boşatdy. ABŞ-nyň Gymmatly kagyzlar we bir biržalar komissiýasynyň maglumatlar bazasynda ýerleşdirilen resminamalardan görnüşi ýaly, Mask direktorlar geňeşini hem dargadyp, kompaniýanyň ýeke-täk başlygy boldy.
