Twitterdäki Twitter Blue atly akkauntlaryň tölegli werifikasiýasy indi dünýädäki ähli ulanyjylar üçin elýeterli boldy diýip, sosial ulgamyň eýesi Ilon Mask habar berdi.
Mask özüniň Twitterdäki sahypasynda: "Twitter Blue indi bütin dünýäde elýeterlidir” – diýip ýazdy.
Twitter Blue-a ýazylmak sosial ulgamyň ulanyjylaryna hasap ýazgylarynda hakyky akkauntlary görkezýän gök belligi almaga mümkinçilik berýär. Mundan başga-da, abunaçylaryň mahabatlaryň ýarysyny görjekdigi, sahypasynda has uzyn wideo goýup we täzeliklere ir girip biljekdigi habar berildi. Şeýle-de, Twitter Blue-ly hasap ýazgylary gözleglerde, ýatlamalarda we teswir sanawlarynda has ýokarda görner.
