Serdar Berdimuhamedow Katara döwlet saparynyň ahyrynda Doha şäherinde ýerleşýän Kataryň Milli muzeýine baryp gördi.
Bu ýerde döwlet Baştutany muzeýiň eksponatlary, şeýle-de katarlylaryň däp-dessurlaryny, medeni durmuşyny açyp görkezýän taryhy gymmatlyklar bilen tanyşdy. Soňra Prezident Serdar Berdimuhamedow muzeýiň Hormatly myhmanlar kitabynda ýadygärlik ýazgy galdyrdy.
Kataryň Milli muzeýi ulanyşa berlen ilkinji ýyllarynda 450 müňden gowrak adamy kabul etdi. Ýurduň taryhyny diňe bir suratlardyr heýkeller däl, eýsem, XXI asyryň täsin çyralarydyr wizual görnüşleri bilen suratlandyrýandygy bu medeni desganyň özüne çekijiligini has-da artdyrýar. Şunda onuň energonetijelilik we ekologik taýdan arassalyk boýunça LEED güwänamasyny alan dünýäde ilkinji muzeýdigini hem bellemek gerek. Eksponatlaryň örän uly toplumy bolsa ýurduň taryhynyň dürli döwürlerinden söz açýar.
2022-nji ýylda Katarda geçirilen Futbol boýunça dünýä çempionatyna bagyşlanan bu muzeý onýyllygyň iň täsin desgasy hökmünde bütin dünýäde giňden tanalýar.
