20-nji martda Serdar Berdimuhamedow Kataryň Emiriniň Köşgünde Şeýh Tamim bin Hamad Al-Tani bilen ýokary derejedäki gepleşikleri geçirdi.
Resmi garşyalmak dabarasyndan soň, iki dostlukly döwletiň wekiliýetleriniň giňeldilen düzümdäki duşuşygy geçirildi. Duşuşygyň dowamynda ikitaraplaýyn hyzmatdaşlygyň çäginde hukuk-şertnama binýadynyň berkidilmegine, parlamentara gatnaşyklaryň ösdürilmegine we iki döwletiň daşary syýasat edaralarynyň özara gatnaşyklaryny kämilleşdirmegine aýratyn üns berildi.
Şeýle-de, ýokary derejeli türkmen-katar gepleşiklerinde söwda-ykdysady we medeni-ynsanperwer ugurlarda ikitaraplaýyn hyzmatdaşlygy giňeltmek meseleleri ara alnyp maslahatlaşyldy.
Wekilýetleriniň giňeldilen düzümdäki gepleşiklerinden soňra, dostlukly döwletleriň Baştutanlarynyň ikiçäk duşuşygy geçirildi.
Duşuşygyň dowamynda söhbetdeşler saparyň gün tertibine girizilen meseleleriň taraplaryň döwletara gatnaşyklary we uzakmöhletleýin hyzmatdaşlygy täze derejä çykarmaga bolan gyzyklanmalaryny beýan etdiler.
