Türkmenistanyň Prezidenti Serdar Berdimuhamedow resmi sapar bilen Katar Döwletine bardy.
Ýekşenbe güni döwlet Baştutanyny Aşgabadyň Halkara howa menzilinden Hökümet agzalary hem-de Kataryň ýurdumyzda ygtyýarlandyrylan ilçisi ugratdy.
Birnäçe sagatdan soň, Serdar Berdimuhamedowyň uçary Dohanyň «Hamad» halkara howa menziline gondy.
Duşenbe güni resmi saparyň esasy çäreleri geçiriler. Saparyň maksatnamasyna laýyklykda, iki ýurduň wekiliýetleriniň giňeldilen düzümdäki duşuşygynyň hem-de Türkmenistanyň Prezidentiniň we Katar Döwletiniň Emiriniň ikiçäk gepleşikleriniň geçirilmegine garaşylýar. Ýokary derejeli duşuşyklaryň jemleri boýunça ikitaraplaýyn resminamalara gol çekiler. Şeýle hem Dohada Türkmenistanyň ilçihanasynyň açylmagyna garaşylýar.
