2023-nji ýylyň
- 19-njy aprelinde Ýagşygeldi Kakaýew adyndaky Halkara nebit we gaz uniwersitetinde ýokary okuw mekdepleriniň talyplarynyň arasynda Informatika dersi boýunça Halkara internet olimpiadasyny;
- 19-njy maýda Türkmenistanyň Inžener-tehniki we ulag kommunikasiýalary institutynda Çyzuwly geometriýa we inžener grafikasy dersi boýunça Halkara açyk internet olimpiadasyny;
- 1-5-nji iýun aralygynda S.A.Nyýazow adyndaky Türkmen oba hojalyk uniwersitetinde Daşky gurşawy goramagyň Bütindünýä güni mynasybetli “Durnukly ösüşiň maksatlaryna ýetmekde ýaşlaryň orny” atly ylmy-taslama bäsleşigini;
- 6-njy iýunda Seýitnazar Seýdi adyndaky Türkmen Döwlet mugallymçylyk institutynda Ylymlar güni mynasybetli “Ylym we bilim XXI asyrda” atly Halkara ylmy maslahatyny geçirmek meýilleşdirilýär.
Bu barada 17-nji martda geçirilen Hökümet mejlisiniň barşynda habar berildi.
Geçirilmegi meýilleşdirilýän çärelere ýurdumyzyň ýokary okuw mekdepleriniň talyplary, ýaş alymlary bilen bir hatarda, Russiýa Federasiýasynyň ABŞ-nyň, Hytaý Halk Respublikasynyň, Italiýa Respublikasynyň, Rumyniýanyň, Türkiýe Respublikasynyň, Hindistanyň, Belarus Respublikasynyň, Özbegistan Respublikasynyň we Gazagystan Respublikasynyň hem-de beýleki onlarça döwletleriň ýokary okuw mekdepleriniň, ylmy merkezleriniň wekilleriniň gatnaşmagyna garaşylýar.
